Disa ndodhi ta pazakonta

28 VITE I FSHEHUR PAS LUFTËS SË DYTË BOTËRORE
Shoichi Yokoi ishte një ushtar i ushtrisë perandorake japoneze më 1941-n dhe u dërgua në Guam menjëherë pas atij viti. Në vitin 1944, forcat amerikane ripushtuan ishullin dhe Yokoi u fsheh. Në janar të vitit 1972, ai u zbulua në një pjesë të largët të ishullit Guam nga dy banorë të ishullit. Për 28 vite ai qëndronte i fshehur në një shpellë në xhungël, pasi kishte frikë të dilte, edhe pse kishte gjetur broshura që shkruanin se Lufta e Dytë Botërore kishte mbaruar. “Më vjen shumë turp që jam kthyer i gjallë nga lufta”, tha ai kur u kthye në Japoni, me pushkën ndryshkur ende mbi shpatulla.



NË BURG ME AKUZËN SEPSE NUK BËRI VRASJEN
Një gjykatës anglez denoi Kevin Reeves sepse nuk vrau Christine Ryder. Një histori shumë e çuditshme e cila ndodhi në Angli ku gruaja me emrin Ryder kishte paguar 20 mijë stërlina Kevin Reeves që të organizonte vrasjen e saj, ose ta vriste vetë ai.
Reeves në vend që të vriste gruan që e kishte paguar mendoi më mirë të mbante paratë pa bërë vrasjen. Për këtë motiv gjyqi e quajti fajtor dhe e dënoi burrin me 15 muaj burg.



PA DUAR E PA PATENTË, ECTE ME SHPEJTËSI 120 KM NË ORË
Natyrisht duhet të jetë një dashamirës i shpejtësisë dhe sidomos i rrezikut duke parë që edhe pse nuk kishte duar ecte me shpejtësi 120 km në orë në Zelandën e Re në autostradën e Papamoas. Personi që e ndaloi ishte agjenti i policisë Brent Gray i cili ka treguar këtë histori gazetarëve dhe kolegëve.
Grey ndaloi makinën e cila ecte me shpejtësi 120 km në orë duke e kaluar limitin e shpejtësisë prej 100 km në orë. Agjenti i policisë doli nga makina e tij dhe kur iu afrua makinës që kishte ndaluar vuri re se personi që e ngiste kishte një këmbë sipër në kruskot dhe sedilen të ulur plotësisht dhe gjithashtu pa që personi nuk kishte duar.
Personi në fjalë, një i papunë 32 vjeçar i ka shpjeguar agjentit të policisë se kishte lindur pa duar, nuk kishte patentë dhe se kishte vite që ngiste makinën në këtë gjendje. Si do të thoni ju? Duke përdorur një këmbë për timonin dhe tjetrën për pedalin e frenave dhe të gazit. Tani djali 32 vjeçar Colin Smith do të përgjigjet para drejtësisë për ngarje të rezikshme të makinës.




E KA PADITUR BURRIN 92-VJEÇAR PËR MASHTRIM NË DASHURI
Një banore 82-vjeçare e Teksasit, me kombësi tajvaneze, ka ngritur padi gjyqësore dhe ka kërkuar shkurorëzim nga bashkëshorti i saj 92-vjeçar, pasi që ai e kishte mashtruar me një grua tjetër.Ajo e ka kapur bashkëshortin e saj në vepër në një dhomë hoteli, me një femër tjetër.Kjo grua, e cila ka nxitur bashkëshortin e saj në mashtrim në dashuri, ishte shoqja e saj më e ngushtë dhe e cila ishte 80-vjeçare.Bashkëshorti mashtrues, ka deklaruar se nuk mund t'i ndihmojë vetes, sepse me të vërtetë është dashuruar në shoqen e gruas së tij dhe ka shtuar se është duke u kënaqur në dashurinë e re dhe nuk ankohet për asgjë.



69 FËMIJË TË NJË NËNE
Feodor Vasilijev nga Shuya (Rusi), nga gjithsejt 27 lindje gjatë viteve 1725-1765 lindi 16 bineqë, 7 treneqë, dhe 4 katërneqë. Vetëm dy fëmije prej tyre vdiqën si foshnje.


MASAKRA
18 korrik 1984
Një person i armatosur masakron 20 persona në një restorant "Mc Donald" në Kaliforni, duke bërtitur "s'më pëlqen dita e hënë", megjithëse atë ditë ishte e mërkurë.


PORTIERI QË SHËNOI 49 GOLA
Portier apo sulmues
Portieri Jose Luis Chilavert shënoi 49 gola gjatë ndeshjeve në klubin e tij dhe ekipit kombëtar Paraguait, ndërmjet korrikut 1992 dhe marsit 2000.