Wikileaks: Llogaritë bankare në Zvicer, kemi emra politikanë

Wikileaks pranon se disponon të dhënat e dy mijë klientëve në bankat e Zvicrës mes të cilëve janë edhe 40 politikanë por pa specifikuar se të cilës kombësi janë.

Të dhënat do të publikohen sot (e hënë) në orën 12:15 sipas asaj çka është lajmëruar prej aktivistëve të Wikileaks.

Mes këtyre të dhënave që janë të vendosura në dy disqe përfshihen emrat e multimilionerëve të nacionaliteteve të ndryshme përfshirë Zvicrën, SHBA, Gjermani dhe Britani.

Gjithçka në lidhje me të dhënat i përmbahet periudhës nga vitit 1990 deri në vitin 2009. Informacionet që disponon Wikileaks mësohet se i ka marrë nga Rudolf Elmer, një ish drejtues i njohur bankash që tanimë përballet në gjyq për thyerje të sekretit shtetëror.