21 Dhjetor 2012: Të Vërtetat Rreth “Profecisë” Maya

Code:

21 Dhjetor 2012: Të Vërtetat Rreth “Profecisë” Maya Dhe Shkaqet Që Çojnë Në Fundin E Botës

Një asteroid gjigant, një epidemi virale, ndryshimi i klimës, lufta bërthamore. Afrohet data “fatale” e 21 dhjetorit 2012, dhe njerëzimi, nëpërmjet seriozitetit dhe humorit kërkon shenjat paralajmëruese dhe rreziqet që mund të çojnë në “fundin e botës”.Apokalipsi mund të ketë shumë fytyra, por profecia Maya shprehet qartë: Fundi i botës do të vijë. Në të vërtetë, për disa tashmë ka filluar, dhe nuk ka asnjë shpëtim për njerëzimin. Vetëm një ngushëllim i vogël: agonia. Që mesa duket, është shumë e ngadalshme.



“Ideja e një fundi të papritur për çfarëdo shkaku të botës është absurd”, thotë David Morrison, shkencëtar i NASA-s dhe specialist i jetës në hapësirë.
“Toka ka ekzistuar për më shumë se 4 miliardë vjet, dhe do të vazhdojë deri sa dielli nuk e bën planetin tonë të pabanueshëm”, këmbëngul shkencëtari, duke mohuar çdo mundësi për një fund të botës më 21 dhjetor 2012.
Sipas Morrison, në 5 miliardë vjet Dielli do të transformohet në një “gjigant të kuq” dhe ngrohja e tij do të shkaktojë rritjen e avullimit të oqeaneve dhe zhdukjen e atmosferës së Tokës në mënyrë progresive deri në shkatërrimin e saj.
Por kjo nuk duhet në të vërtetë të na shqetësojë. “Deri atëherë, asnjë kërcënim astronomik apo gjeologjik nuk mund të shkatërrojë Tokën”, siguron David Morrison.
Pra, nuk do të jetë Dielli shkaku i fundit të botës.
Disa janë, megjithatë, të sigurt se kërcënimi për mbijetesën tonë do të vijë me siguri nga qielli në formën e një asteroidi gjigant që do të përplaset me Tokën. Një katastrofë, e cila do ta ketë origjinën e vet në Jukatan, Meksikë, dhe do të jetë e ngjashme me atë të rreth 65 milionë viteve më parë që shkaktoi zhdukjen e dinosaurëve.
Por edhe një herë, NASA ka thënë se kjo “nuk është e mundur”: “Ne jemi të sigurt tashmë që asnjë asteroid aq i madh sa ai që shkaktoi zhdukjen e dinozaurëve nuk mund të kërcënojë Tokë në afat të shkurtër.”
Pra, as diell dhe as asteroid.
Fundi i botës do të vijë nga një pandemi botërore e shkaktuar nga një virus mutant si gripi H5N1?
“Por, një epidemi, edhe nga ato jashtëzakonisht të rrezikshme, nuk mund të shkaktojë fundin e njerëzimit”, thotë Jean-Claude Manuguerra, një virologist në Istituto Pasteur.
“Diversiteti i sistemit imun është sot i tillë që të paktën një për qind e popullsisë është rezistente ndaj infeksionit”, siguron eksperti.
Kështu dhe pandemia përjashtohet.
Nëse fundi i botës duhet të vijë nga një luftë globale bërthamore? Ose do të ndryshojë klima, e cila do të shkaktojë një mungesë të tillë të reshjeve për ta bërë bujqësinë të pamundur?
Të gjitha këto hipoteza të paktën duhet të na lënë pjesërisht, të qetë: për pritur denjësisht Vitin e Ri.